حركات اولى ابتدائي

حركات اولى ابتدائي
________________________________________

السلام عليكم ورحمة الله وبركاته

حركااات أولى ابتدائي لاتفوتكم!!!!
الموضوع عجبني وحبيت انقله لكم :::
\

يلا نبدأ

بسم الله

7
7
7

طفل قعد يبكي في اليوم الثاني من الدراسه وسأله المدرس ليه تبكي ؟....قال مالقيت فصلي ..
قال له المدرس انت في اي صف ياشاطر ؟ ...قال الطفل انا في صف ثاني
اخذه المدرس لفصل ثاني ودور اسمه ومالقاه فقال له اسمك ماهو في ثاني انت امس وين كنت ؟
قال الطفل انا امس كنت في " اولى " بس اليوم اصير في ثاني ..!!!
" هذا على كيفه يحسب الدنيا فوضى "

=============

الثاني مسكين احتاج الحمام وراح له وبالصدفه مر احد المدرسين جنب الحمام وتفاجأ ان فيه ملابس كامله مكومه خارج الحمام من ثوب وفنيله وسروال وجزمه وشراب ....
المسكين الطفل بعد ماخرج من الحمام قالو له ليه كذا ؟ ....قال انا كذا اروح للحمام في بيتنا

=============



طفل آخر من المستجدين ذهب في وسط الدراسه لفصل اخوه وقال للاستاذ ممكن اخوي....ضحك المدرس وقال ظروري ؟ قال الطفل ايه ضروري مره....
المدرس توقع انه محتاجه يوديه لدورة المياه فقال لاخوه اطلع معاه....ولما طلع قال الطفل لاخوه تعال نبغاك تلعب معنا

=============

طالب قال له المدرس شف هذاك كرسيك روح اجلس عليه....الطالب ما اكتفى بالجلوس عليه وقت الدوام لا عند نهاية الدوام اخذ معه الكرسي يجره لبيتهم خخخ

=============

وهذه ام تقول
بنتي في الحضانة.. أول يوم راحت.. انبسطت و كل شي تمام.,,لما رجعت قالت لي..يا ماما انت فشلتيني!!حاطتلي فطور يكفيني انا بلحالي ترا حنا بالفصل واجدين ..
و الساندويتش ما كفانا كلنا و لا بقالي شي!!!(أثرها توزع على الدنيا.. تحسب الفطور قطة!!!!)
و نفس اليوم قبل ما تنام قالت لي: ياماما اذا جيتي تقوميني الصباح و لا طعت أقوم لا تقوميني..معناه ان بطني بيعورني وماني رايحة المدرسة!!!
__________________