لمتى اخوك الكبير .. يبقى اخوك الكبير !!!

شلووونكم جميعا ؟؟


موضوع لقيته بالايميل .. لكن تحفة


شوفوه وقولي لي شرايكم ؟؟



._._._._._._.


بما اني[اصغر اخواني] .. ومافيه احد اتأمّر عليه وانفش ريشي عليه


وصحيح ان عيال عمي اللي اصغر مني مو مقصرين .. ولاصارو موجودين .. حتى قلاص الما .. ما اشيله .. هم يشربوني << معوّض نقص التأمر في عيال عمه هههههههههه


بدا ينقز في راسي سؤال .. يعني [يتبادر إلى ذهني سؤال ] وهو سؤال مهم



لا متى اخوك الكبير .. يبقى اخوك الكبير ؟ << ترى سؤال مهم يا جماعه .. لاحد يضحك ويقول هذا خبل ولا مجنون



السؤال هذا حيرني .. ليه ما تتبادلون .. يصير هو اخوك الكبير يوم .. وانت اخوه الكبير يوم << اشهد انه متعّذب من اخوه الكبير ههههههههههه



ترى الاخو الكبير غثيث في اغلب الاوقات يا جماعه .. وراح اعطيكم الأدلّه وأني هنا .. أبد الآبدين .. أقارع الحجّة بالحجّة لمن أراد ان يناقشني << يرحم امك بس




-1-


اذا كانو ربعك مجتمعين ووناسة وجمعه والجو فللي .. وانت واخوك الكبير وربعك قاعدين .. ودقت امك قالت : ابي اروح السوق هالحين ضروري !!!



من اللي راح ياكلها ؟ .. انت طبعاً




-2-



اذا انت تغديتو عند بيت عمكم .. ورادين للبيت بعز القايله .. القار تقول جمر .. انصلخ التاير [ضرب معك جنط ]<< هذي لاخوانا اللي ما افهمو انصلخ التاير



من اللي بياكلها ؟ ويبدل التاير .. وأخوه الكبير مشغل المكيف ويكلم خويّه ولا حبيبته بالتلفون ؟



طبعاً انت :>



-3-



قاعدين بالاستراحه .. ودوور بلاي ستيشن .. والمنافسه حامية .. وتنطر لك ساعه عند التلفزيون عشان يجي دورك وما يصرفونك ويعطون اليدّه غيرك. وقبل لا تنتهي المباراة بخمس دقايق. . ولا اخوك الكبير داش ومسلّم على الموجودين .. هنا تبدا الزهقه ودبلة الكبد .. بس يبقى عندك بصيص من الامل أنّه ما ياخذ اليدّه منك .. وتقعد مقابل التلفزيون على امل .. واول ما يصفر وتمسك اليدة .. تطالعه .. ما يطالعك تلقاه مشغول بالسلام .. واول ما تختار فريقك وتضبط الخطّه .. يجيك يقول لك هات اليدّه وقم .. وش الفريق اللي مختاره انت ؟ هههههههههههه


من اللي بياكلها ؟ .. اظن عرفتو ههههههههههههههه




-4-



لما كنتو تروحون عند بيت عمكم قبل وانتو صغار .. كان هو يرقد في بيت عمك .. وانت ترد مع اهلك .. ماغير تبكي هههههههههههههه ابي امسي .. ابي امسي عند عمي



عرفتو من اكلها ؟


-5-


توّك متعشّي .. لحيمات تيس تذووب في يدك لا بغيت تقطعها .. مع رز مضغوط صح .. وساف ٍ وراها قلاصين لبن .. وشايل ٍ إسفنك في يدك .. وهو آخر سفن اب لقطته .. وتطلع برا بالشارع .. وتطلع باكيت الزقاير .. وتلقى فيه زقاره وحده !!




تولعها وتمز اول مزه .. ثاني مّزه .. ولا اخوك الكبير طالع مع الباب .. وجاي عندك .. طبعاً راح تستر الزقاره عشان ما يشوفها << اخس يا الاحترام هههههههههه



يجيك طال عمرك .. وتبي تصد عنه .. يقول لك تعال ابسولف معك ..لين اخلص زقارتي .. ويطلع زقارته ويدخن .. وانت زقارتك ساتره عنه



من اللي كلاها ؟ .. وتحسّر ؟ عرفتوه طبعاً





هالحين تتساءلون نفسي .. ليه ما يصير هو اخوك الكبير يوم .. وانت اخوه الكبير يوم ؟



تساءلو .. ماحدٍ داري عنكم ههههههههههههههههههههههه




أخيراً.. أتمنى اني وفقت في طرح وجهة نظري .. خصوصاً ان جميع الاحداث الـ 5 .. عايشتها واقعياً :>


شكراً لكم على حسن القراءه

يسلموووووووووو هاكان على المرور

ههههههههههههههه م د ي ر ة هههههههههههههههههه

امدي ربك انك ماعندك اخو كبير

يسلمور على الرور

لا مو كذا بس روح تعال يلا جيب هات خذ ودي رجع كل يوم على كذا

بس وشو انسوي الاحترام لازم الله يصبرنا

خخخخخخخخخخخخخخخخخ

حلووووووووووة بزر اكبر منك هع هع هع هع هع